É de recalcar que dito lavadoiro encóntrase nunha das rutas propostas polo Concello de Ferrol na súa páxina web.
As obras incluíron tanto a limpeza da zona coma o selado do lavadoiro xa que as
súas fugas impedían o enchido do mesmo. Amais este colectivo ten proxectado a
reparación dunha fonte anexa a dito lavadoiro, xa que o seu estado de deterioro causa a fuga da auga polos seus muros e impide o seu uso.
Con esta acción, que neste caso acometeron soamente membros desempregados do grupo, queremos poñer novamente de manifesto a nosa petición de contratación de desempregad@s por parte do Concello de Ferrol para acometer o mantemento dos bens do mesmo.
Outros lavadoiros do municipio foron obxecto de centos de miles de euros de inversión para a súa "restauración" e lles cambiaron totalmente a fisionomía pasando a ser máis unha nova construción. Non estamos en contra de ditas obras pero pensamos que hai outras obras prioritarias para o noso municipio, por exemplo a creación de beirarrúas nesta zona da comarca.
Queremos recordar a tódolos cidadáns concienciados coa deterioración continua dos nosos espazos naturais, patrimonio e espazos públicos, que o noso grupo está aberto á participación.
O próximo sábado, día 25 de agosto, acometeremos a II xornada de traballo na Batería de San Cristovo. O horario será de 09:00 a 14:00, (Aínda que a xornada de traballo é libre, en función do tempo de que dispoña cada persoa).
As persoas interesadas, pódense inscribir no correo electrónico:
recuperaciondeespazospublicos@gmail.com, nos teléfonos: 620 312 992 - 637 567 497, ou ben acudir directamente á zona ou ao aparcadoiro da Feira de Mostras o sábado ás 8.45 horas.
0 comentarios: